Rahasia Ôn Temurui: Hana Cuma Peuleumak Rasa, Tapi Ubat Tradisional

Oen temurui nakeuh salah saboh bumbu aromatik nyang that peunténg lam masakan tradisional Acèh.(Dok : pribadi)
ACEH - Oen temurui, cit geuturi ngon ôn salam koja atawa ôn kari lam bahsa Indonesia, nakeuh saboh jeunèh bak herbal nyang le that manfaat.

Oennyoe kon asli dari Aceh, tapi asai jih dari Tarai, saboh wilayah di Pradesh utara, India. Bah pih saban ngon ôn salam, bak bideuëng botani, ôn nyan na hubôngan nyang that toe ngon ôn kemuning (Murangra paniculata).

Oen nyoe geutanda ngon warna ijo gelap, bentuk majemuk, ubeut, ngon pinnate. Bungong-bungong putéh ubeut ngon boh jih bulat, ungu, ngon kadang-kadang boh jih mirah-oren.

Di Acèh, ôn nyoe kayém dipake seubagoë bumbu aromatik premium lam masakan kareuna aroma jih nyang harum ngon tajam. Le that masakan Acèh memanfaatkan temurui lam masakan lagèe ayam tangkap, asam keueng (gulai masam pedas), kuah pliek, pepes Acèh, ngon le lom masakan siuroe-uroe nyang la'én. 

Oen temurui that mudah bak geupula, hana peureulee pupuk atawa geusiram. Makajih, hana hireuen le ôn-ôn kayèe nyoe jiböh lam halaman ngon lampoh ureueng Acèh.

Baca juga: Daun Temurui: Si Kecil Serbaguna dari Dapur Aceh hingga Obat Tradisional

Bah pih ukuran jih ubeut, ôn temurui nyan kaya ngon nutrisi. Oen temurui na ie (66,3%), protein (1%), lemak (1%), karbohidrat (16%), serat (6,4%), ngon mineral (4,2%). Kandungan mineral utama bak 100 gram ôn nakeuh kalsium (810 mg), fosfor (600 mg), ngon beusoë (2,1 mg). Vitamin nyang na lam nyan nakeuh karoten (12.600 IU), asam nikotin (2,3 mg), ngon vitamin C (4 mg). Deungon asoe nyang kaya lagee nyan, hana hireun le meunyo ôn-ôn nyoe, nyang jituri seucara binomial Muraya Koenigii, jeuet cit geungui keu geujaga kesehatan. 

Kandungan antioksidan jih jeut keu peuningkatan kemampuan tuboh untuk geulawan radikal bebas nyang jeut keu seubab macam-macam peunyaket. Oen temurui jeuet keu ubat tradisional, lagee keu pencernaan, keu peugot ôk sehat, keu peutheun diabetes, keu peukureung resiko peunyaket hate, ngon laen-laen.

Bagi ureueng Aceh, ôn temurui saboh contoh nyang jeulaih keu kemampuan alam untuk geubri solusi nyang paleng get, mulai dari dapu sampoe keu donya kesehatan. Tanaman nyoe leubeh nibak bumbu dapu mantong; nakeuh pusaka budaya nyang meutamah aroma ngon rasa keu hidangan ngon geubri manfaat keu kesehatan.